A aculturación, a homologación que o fascismo
non foi capaz de obter de ningunha maneira,
conséguea o poder de hoxe, o poder da civilización
do consumo, destruíndo as diversas realidades particulares.
Pier Paolo Pasolini.
Eu hoxe tamén
baleirei unha cabaza para o meu pequeno. A ver quen se nega! Pero as rúas de
Vigo, coas súas familias novas disfrazadas de bruxas e esqueletos, daban
hoxe bastante repelús. Un mal simulacro de malas películas norteamericanas.
A avoa
do meu pequeno, máis ou menos coa idade que el ten agora, tamén baleirou cabazas na aldea; nun tempo en que as malas (e as boas) películas norteamericanas
nin se coñecían.
E malia todo… non acabo de ver eu claro que pague a pena
recuperar unha tradición do perdido mundo agrario galego cando vén envolta en pegañento
celofán globbish.
Sem comentários:
Enviar um comentário